×
  • Lajme
  • Lajme

    Përkeqësohet situata e COVID-19 në Maqedoninë e Veriut, humb jetën mjeku shqiptar

    Reporteri
    05 Korrik 2020 | 20:07

    COVID-19 i ka marrë jetën mjekut shqiptar në Maqedoninë e Veriut.


    Bëhet fjalë për 64-vjeçarin Arifhikmet Dehari, mjek specialist në qendrën shëndetësore të Tetovës. Dehari për pak muaj dilte në pension, por problemet neurologjike dhe bartja e virusit vdekjeprurës kanë shkaktuar vdekjen e mjekut shqiptar.

    Ministri i Shëndetësisë Venko Filipçe ka njoftuar se Dehari dy javë më parë ishte shtruar në spital, ndërsa ju bën thirrje mjekëve të tjerë që të respektojnë masat.

    Që nga fillimi i pandemisë, në Maqedoninë e Veriut, janë infektuar 540 mjekë me coronavirus ose 9 për qind e numrit total të të infektuarve.

    Ndërkohë të dielën janë regjistruar 7 viktima nga COVID-19 dhe 115 të infektuar duke çuar numrin total të të infektuarve në RMV në 6932, ndërsa numri total i të vdekurve është 334.

    Maqedonia e Veriut pas 10 ditësh mban zgjedhjet e parakohshme parlamentare, ndërkohë shifrat e personave të infektuar prej 4 javësh janë tepër shqetësuese.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!