×
  • Lajme
  • Lajme

    “Dorëzohet” Qeveria: Pezullohet vendimi për taksën prej 5 eurove për tiketat ngjitëse

    Reporteri
    22 Korrik 2021 | 10:55

    Qeveria e Kosovës ka marrë vendim që të shfuqizoj vendimin për tiketën prej 5 eurove për regjistrim të automjeteve.


    Lajmin e ka bërë të ditur, zv.ministri i Mjedisit Planifikimit Hapësinor dhe Infrastrukturës, Hysen Durmishi.

    “Sot kam marrë vendim që të pezulloj marrëveshjen për tiketa ngjitëse deri në marrjen e vendimit përfundimtar për këtë çështje.

    Pas nënshkrimit të marrëveshjes dhe vëmendjes së madhe të opinionit publik kam gjetur dokumente e raporte që janë kontradiktore me njëra tjetrën”, ka shkruar Durmishi.

    Ndërkohë, Ministri i Mjedisit Planifikimit Hapësinor dhe Infrastrukturës, Liburn Aliu ka folur për këtë vendim nga seanca e Kuvendit.

    Ai ka thënë se do ta shqyrtojnë në hollësi mënyrën si ka ardhë te ky vendim, prej interpretimeve ligjore, duke i përfshi edhe interpretimet e auditorit, shkruan Reporteri.net.

    “Për çështjen e taksës 5 euro sapo është marrë vendim që të pezullohet si vendim dhe do ta shqyrtojmë në hollësi mënyrën si ka ardhë te ky vendim, prej interpretimeve ligjore, duke i përfshi edhe interpretimet e auditorit. Diçka çka mund të ju siguroj është se qytetarët nuk do të paguajnë taksë prej 5 euro”, u shpreh ai në seancën e Kuvendit. /Reporteri.net

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!