Pesë aktivistë të Partisë Socialdemokrate, bashkë me kreun e partisë, Dardan Molliqaj, janë arrestuar paraditen e së martës pas një aksioni që zhvilluan kundër konferencës së kryetares së Dhomave të Specializiuara, Ekaterina Trendafilova.

Lidhur me arrestimin e tyre ka dhënë detaje Policia e Kosovës përmes raportit 24 orësh, shkruan Reporteri.net.

Në raport thuhet se katër meshkuj dhe një femër pasi që kanë penguar zhvillimin e një aktiviteti dhe se gjatë kohës sa ka intervenuar policia, të njëjtit i kanë penguar policët në kryerjen e detyrës, me ç‘rast, policët kanë pësuar lëndime trupore.

“Rr. Agim Ramadani, Prishtinë, 07.09.2021 – 10:10. Janë arrestuar pesë të dyshuar, katër meshkuj dhe një femër të gjithë kosovarë pasi që kanë penguar zhvillimin e një aktiviteti dhe se gjatë kohës sa ka intervenuar policia, të njëjtit i kanë penguar policët në kryerjen e detyrës, me ç ‘rast, policët kanë pësuar lëndime trupore”, thuhet në raport.

Të dyshuarve dhe policëve iu është ofruar tretmani i nevojshëm mjekësor.

Me vendim prokurorit i shtetit të dyshuarit të lirohen në procedurë të rregullt. Rasti vazhdon të hetohet. /Reporteri.net