Policia ndërmerr masa pas rritjes së numrit të grabitjeve

Pas shpeshtimit të vjedhjeve nëpër biznese, Policia e Kosovës ka shtuar intensitetin e patrullimit të saj në Prizren.

Kësisoj, pjesëtarë të Policisë po patrullojnë rreth shkollave fillore në qytet, në qendra tregtare e nëpër biznese.

Këtë e kanë bërë të ditur vet Policia me anë të një komunikate për media.

“Njësia e Komunitetit ne stacionin policor ne Prizren është duke patrulluar rreth shkollave fillore në qytet dhe lagje. Gjithashtu patrullimi po vazhdon në sheshe, qendra tregtare, tregu i gjelbër dhe tregu i mallrave. Njësia e komunitetit ka një raport te mire me bizneset e sidomos me argjendaritë me të cilët komunikimi është i vazhdueshëm me qëllim parandalimin e veprave penale të vjedhjeve dhe grabitjeve”, thuhet në komunikatën e Policisë.

“Por kontakti gjatë patrullimit vazhdon edhe me institucionet tjera e sidomos me qendrat e mjekësisë familjare dhe barnatoreve. Policia është në kontakt të përhershëm edhe me trafikun urban e në veçanti me stacionin e autobusëve dhe taxit-e që operojnë në Prizren”, thuhet tutje në komunikatë.

Takime dhe aktivitete parashihen të jenë te vazhdueshme, duke u bazuar në praktikat me të mira policore në bashkëpunim me komunitetin.