Policia e Kosovës ka rrethuar objektin e Qeverisë dhe të Kuvendit pak minuta para se të nisë “test protesta” e paralajmëruar në ora 17:00.

Një numër policësh janë vendosur në sheshin “Skenderbeu” para  ndërtesës së Qeverisë dhe asaj të Kuvendit, shkruan Reporteri.

Ndërkohë, aty vërehen edhe disa pjesëtarë të KFOR-it.

Prova për protestë pritet që të fillojë nga ora 17:00 dhe të realizohet deri në orën 19:00. Ajo do të mbahet në tri sheshe të Prishtinës: Në sheshin “Skënderbeu”, në sheshin “Ibrahim Rugova”, si dhe në sheshin “Adem Jashari”. Këto sheshe i kufizojnë godinat e institucioneve qendrore: Presidencës, Kuvendit dhe Qeverisë.

Ndryshe, edhe më herët në sheshet e Prishtinës janë organizuar ‘prova për protesta’, por me një numër më të vogël të pjesëmarrësve. /Reporteri.net/