Analisti politik analiza e të cilit është në përputhje pothuajse të çdohershme me narracionin e pushtetit, përkatësisht me Lëvizjen Vetëvendosje, Xhevdet Pozhari, ka dalur me një shkrim të çuditshëm, përmes të cilit ai supozon të godasë ish-Presidentin Hashim Thaçin, për marrëveshjen e Asociacionit të Komunave me Shumicë Serbe.

Pozhari, duke dashur të ilustrojë këtë ngjarje të vitit 2013, përmes personifikimit të mendimeve të ish-kryeministrit serb, Ivica Daçiç, në nënshkrim të marrëveshjes, supozon se fytyra e Daçiçit flet vet. “O s’je t’u e ditë çka i bone vetes e Kosovës”, pandeh analisti se “thotë fytyra” e Daçiç përballë Thaçit.

Përveç kësaj, Pozhari shkruan se Hashim Thaçi është asgjë më shumë se refleksion i “kapacitetit intelektual” të votuesve të vet, përmes një shkrimi hiç intelektual e të thurrur në emocionet paragjykuese të “kapacitetit intelektual” të lexuesve të vet.

Paradoksalisht fjalia e Pozharit s’e kalon as veten.

Shkrimi i plotë i Pozharit:

Viti 2013, pamje nga nënshkrimi i Asociacionit të Komunave me shumicë serbe. Ish kryeministrit Thaçi ia paskan dhënë dy stilografa për rast sigurie nëse njëri harxhohet.

Ndërsa fytyra e Daçiçit flet vet – o s’je t’u e ditë çka i bone vetes dhe Kosovës!

Hajde fansa të Thaçi, ma gjallë, ma gjallë! Nisjani me komente: hoshim thouqi usht llegendagjall o spihun srrrbije.

Edhe ashtu, Thaçi nuk ka qenë asgjë më pak e as më shumë sesa refleksion i kapacitetit tuaj “intelektual”.