Dy lopë që tani frymojnë në Gjilan, mund të përfundojnë në dorën e shtetit. Kjo pasi, është kërkuar “arrestimi i tyre”.

Prokuroria Themelore në Gjilan ka bërë të ditur se ka ushtruar kërkesë në gjykatë për të lejuar sekuestrimin e përkohshëm të dy lopëve, shkruan Reporteri.net.

Sipas arsyetimit të kërkesës, këto dy lopë dyshohet se janë futur si kontrabandë nga Serbia në Kosovë, e për të cilën gjë kërkohet konfiskimi.

Ndërkohë, deri tani, Gjykata Themelore në Gjilan nuk ka dhënë ndonjë përgjigje për kërkesën e Prokurorisë.

Sidoqoftë, pas vendosjes së taksës, është rritur ndjeshëm kontrabanda nga Serbia, duke përfshirë kështu edhe bagëtitë dhe jo vetëm produktet./Reporteri.net