Prokurori i Shtetit ka bërë kërkesë që Valon Loxha, i dyshuari për marrjen e veturës zyrtare të kryetarit të Pejës Gazmend Muhaxherit, të i vendoset një masë paraburgimi. Por krahas kësaj, Prokuroria ka kërkuar edhe një ekzaminim psikiatrik ndaj të riut nga Peja.
Këtë lajm e ka konfirmuar Prokuroria Themelore e Pejës.
“Prokurori ka kërkuar masë paraburgimi dhe ekzaminim psikiatrik”, tha ai për Insajderi.
Kryetari i Pejës, Gazmend Muhaxhari, ka deklaruar të hënën se vetura i është gjendur në fshatin Drelaj.
Kujtojmë se Loxhaj edhe më parë kishte marrë veturat që i gjente të hapura.
Madje i riu nga Peja këtë veprim të tij s’e konsideron si “vjedhje”.