Prokuroria nis hetimet ndaj Sali Zybës dhe Ilir Gashit për kërcënimet drejt Ahmetit dhe Kurtit

Prokuroria ka nisur hetimet ndaj Sali Zybës të Vetëvendosjes pas kërcënimeve që ai ia bëri të martën Shpend Ahmetit të PSD-së.


Zyba, kandidati për deputet nga Vetëvendosje, kishte krahasur ish-partiakun e tij të dikurshëm, Shpend Ahmetin me Xhabir Zharkun e dikurshëm të PDK-së.

“Pas fitores së Lëvizjes VETËVENDOSJE!, pyetja më e shpeshtë që po më bëhet është: a më shumë ke vota ti a Shpend Ahmeti”, ka shkruar Zyba në Facebook, transmeton Insajderi.

“I sigurt jam që Shpendi përveç që nuk do të jetë deputet, nuk do të jetë as kryetar komune. E vendin ku do të jetojë ka të drejtë ta zgjedhë si Xhabir Zharku”.

Salih Zyba lozë pushtetarin e rreptë, e kërcënon hapur Shpend Ahmetin

Hetimet paraprake kanë nisur edhe për Ilir Gashin e PDK-së, i cili vetëm një ditë më pas e kërcënoi Albin Kurtin.

“Albin, lidhi qent endacak! Se për 6 muaj fatin e Gadafit e përjeton! Duhët të jesh kriminel i lindur që të kërcnosh në këtë formë akoma pa marrë pushtet!”, kishte shkruar Gashi në Facebook.

Zyrtari i PDK-së kërcënon Albin Kurtin: Do ta përjetosh fatin e Gaddafit

Lajmin për nisjen e hetimeve e kanë konfirmuar për Insajderin zyrtarë brenda Prokurorisë.