Zëdhënësi i Policisë në rajonin e Gjilanit, Ismet Hashani, në një prononcim ka njoftuar se edhe sot është mbajtur protestë në fshatin Koretin të Kamenicës.

Sipas Hashanit, protesta ka filluar rreth orës 10:00 të paradites si shenjë pakënaqësie rreth ndotjes së ambientit, përkatësisht ndotjes së lumit që kalon përmes këtij fshati nga qyteti i Kamenicës.

Protestuesit në fshatin Koretin kanë protestuar për shkak të kundërmimit të erës që është shumë e rëndë si pasojë e derdhjes së kanalizimeve në këtë lumë.

Në protestë kanë qenë përafërsisht 50 persona, dhe sipas zëdhënësit të policisë së rajonit të Gjilanit, protesta ka përfunduar e qetë dhe nuk janë raportuar incidente.

Pavarësisht mos konfirmimit të Policisë se ka pasur edhe eskalim të situatës në përleshje, disa lexues kanë treguar për Gazetën Express se edhe sot policia është përleshur me protestuesit.

Kjo mund të shihet edhe në videon e mëposhtme.

https://www.facebook.com/KamenicaPress/videos/367634880596725/