PSD pas raportimeve për punësimin e motrës së Liburn Aliut: Merre pushtetin dhe punëso familjarët falas

Sot në media është raportuar se motra e ministrit Liburn Aliu është emëruar anëtare e Këshillit Drejtues të Odës Farmaceutike të Kosovës.


Suljota Aliu është emëruar nga Ministri i Shëndetësisë në Këshillin e kësaj Ode, ndonëse ajo vet nuk ka pranuar deri tani të prononcohet për gazetën, e as ministri Liburn Aliu.

E për punësimin e saj ka reaguar zëdhënësja e PSD’së, Natyra Kuqi.

Ajo ka publikuar disa fotografi nga raportimet e mediave për punësimin e të afërmve të disa ministrave e deputetëve.

Me këtë rast Kuqi ka shkruar: “Ofertë e jashtëzakonshme verore: merre pushtetin dhe punëso familjarët falas”.