Paneli Zgjedhor për Ankesa dhe Parashtresa (PZAP) ka vendosur ta pranojë pjesërisht ankesën e Partisë së Ashkalinjëve për Integrim për mos certifikim nga Komisioni Qendror Zgjedhor.

PZAP ka vendosur që subjekti politik të certifikohet ndërsa mos të certifikohen kandidatët e dënuar me vendim të formës së prerë, sipas listës që e kishte evidentuar Këshilli Gjyqësor i Kosovës.

“Pranohen pjesërisht rekomandimi i ZRPPC-së, certifikohet subjekti politik Partia e Ashkalinjëve për Integrim (PAI) lista e kandidatëve për deputet të subjektit politik, me përjashtim të kandidatëve të lartcekur si në pikën –I-, të dispozitivit të këtij vendimi”, thuhet në vendim.

Partia e Ashkalive për Integrim (PAI), ka dorëzuar 3 (tre) apele, dy janë në emër të subjektit politik dhe njëra në emër të një Kandidatit për shkak të mos certifikimit të tij në listë nga KQZ-ja për pjesëmarrje në zgjedhje.

PREBK ka dorëzuar apel për shkak te mos certifikimit të një Kandidate nga KQZ-ja për pjesëmarrje në zgjedhje.

Ankesa në PZAP kanë edhe bërë disa parti të tjera, përfshirë VV-ja, AAK-ja dhe Nisma.

Aleanca për Ardhmërinë e Kosovës – AAK-ja ka dorëzuar apel për shkak mos certifikimit të Listës se Kandidatëve për deputet nga KQZ-ja.

Nisma Socialdemokrate ka dorëzuar apel për shkak mos certifikimit të subjektit politik dhe Listës së Kandidatëve për deputet nga KQZ-ja.

Dhe Lëvizja Vetëvendosje ka dorëzuar apel për shkak te mos certifikimit të Listës se Kandidatëve për deputet nga KQZ-ja.