Qeveria e Kosovës sot ka paguar shtesat e rrezikshmërisë nga pandemia për stafin mjekësor dhe mësimdhënësit.
Por në mesin e punëtorëve shëndetësorë që kanë përfituar, nuk janë edhe mjekët e Klinikës Infektive në QKUK.
Së paku dy mjekë të Klinikës kanë konfirmuar për Gazetën Shneta se në llogaritë e tyre nuk janë dal paratë që ua ka premtuar Qeveria për shkak të angazhimit të tyre gjatë pandemisë.
“Pothuajse të gjitha klinika tjera i kanë marr shtesat, madje edhe spitalet rajonale, kurse në Klinikën Infektive asnjëri nga mjekët nuk i ka marr këto para”, ka deklaruar njëri nga infektologët.
Atyre iu është thënë se këto mjete do t’iu kompensohen në pagën e muajit mars.
Kujtojmë se Klinika Infektive është qendra kryesore për trajtimin e pacientëve me Covid-19 nga muaji mars i vitit të kaluar deri më sot.