KQZ ka publikuar rezultatet përfundimtare të zgjedhjeve të 14 shkurtit.
Ish-deputeti dhe biznesmeni i njohur Ramiz Kelmendi nuk është në mesin e 19 kandidatëve të PDK-së që kanë siguruar ulëse në Kuvend, shkruan Reporteri.net.
Kelmendi ka marrë vetëm 4 mijë e 607 vota në zgjedhjet e 14 shkurtit.
Kelmendi aderimin në PDK e bëri të ditur disa javë para zgjedhjeve.
Ai fillimisht ishte deputet nga radhët e AAK-së, ndërsa në maj të vitit 2014 kishte aderuar në PDK.
Pas kësaj, Kelmendi u largua nga PDK-ja në prill të vitit 2016 duke aderuar më pas në Lidhjen Demokratike të Kosovës, në tetor të vitit 2016.
Në Qeverinë e drejtuar nga Isa Mustafa, Ramiz Kelmendi ishte emëruar zv/kryeministër.
Së fundi Ramiz Kelmendi u kthye përsëri në Partinë Demokratike të Kosovës, në listën e së cilës kandidoi në zgjedhjet e 14 shkurtit.
Biznesmeni Ramiz Kelmendi është njëri ndër personat më të pasur në Kosovë.
Në një intervistë të fundit, ai nuk ka hezituar aspak të flasë për pasurinë e tij.
Kur u pyet se a ka dëshirë ta thërrasin “Ramiz Milioneri”, ai u përgjigj se ka dëshirë ta thërrasin “Ramiz miliarderi”
“Kisha pas dëshirë të më thërrasin Ramiz Miliarderi”, ishte shprehur Kelmendi. /Reporteri.net