Kryetari i Aleancës për Ardhmërinë e Kosovës, Ramush Haradinaj ka treguar për përplasjet që ka pasur me ish-shefen për Politikë të Jashtme dhe Siguri të Bashkimit Evropian, Federica Mogherini, lidhur me dialogun Kosovë-Serbi.
Haradinaj tha se kur ka qenë kryeministër i Kosovës i ka thënë Mogherinit që “nëse nuk vjen Amerika në tavolinë, mos më prit.”
Ai ka treguar se si i është përgjigjur Mogherinit, pasi Haradinaj i tha se nuk do të diskutojnë për dialogun nëse SHBA-të nuk janë në tavolinë.
“Ajo më tha se nëse e thu këtë fjalë, unë nuk dal me ty në konferencë për shtyp, i thash okej shihemi tjera herë”, tha Haradinaj në ATV.