Albulena Haxhiu, ka reaguar përmes një postimi në Facebook pasi u emërua në pozitën e ministres së Drejtësisë.

Ajo ka thënë se Qeverinë e re e presin sfida të mëdha, por shprehet e bindur se do t’ja kthejnë të mbarën Kosovës dhe qytetarëve të vendit, shkruan Reporteri.net.

Postimi i saj:

Sot, në ditën e konstituimit të Kuvendit dhe votimit të Qeverisë Kurti II edhe njëherë i falenderoj qytetarët për mbështetjen dhe besimin që na kanë dhënë.

Qeverinë e re e presin sfida të mëdha por jam e bindur që me vullnet të pathyer, integritet moral, profesional e politik, do t’ja kthejmë të mbarën Kosovës dhe qytetarëve të vendit.

Mesazhi që qytetarët na kanë dhënë me 14 Shkurt është shumë i rëndësishëm dhe ai duhet të na përcjellë gjithnjë!