Kryeministri Ramush Haradinaj, ka reaguar pas publikimit të disa dokumenteve e për të cilat u tha se janë konkluzione të Këshillit të Ministrave.
Në një postim në Facebook, Haradinaj ka postuar një citat nga konkluzionet, e për të cilin ka thënë se është përkthimi i saktë.
Në të thuhet se vendimi për propozimin e heqjes së vizave është duke u marrë në konsideratë nga Këshilli.
Postimi i plotë i Haradinajt:
“Këshilli e njeh rëndësinë e e liberalizimit të vizave për Kosovën. Komisioni ka bërë një propozim zyrtar në muajin Maj 2016 që të transferojë Kosovën në listën e shteteve që mund të udhëtojnë pa viza në zonën Schengen, ashtu siç është prezentuar në raportin e Korrikut 2018 rreth përmbushjes së kritereve të mbetura. Në Mars 2019, Parlamenti Evropian përkrahu propozimin e Komisionit Evropian në lexim të parë. Vendimi për këtë propozim është duke u konsideruar nga Këshilli.”, përkthim i saktë i Konkluzionit preliminar (pika54), të Këshillit të Bashkimit Evropian!