Në Qendrën e Numërimit dhe Rinumërimit është duke vazhduar rinumërimi i votave sipas vendimit të Panelit Zgjedhor për Ankesa dhe Parashtresa.
Deri më tani janë rinumëruar 840 vendvotime apo rreth 60% e numrit total që PZAP e ka vënë në rinumërim.
Zëdhënësi i KQZ-së, Valmir Elezi, për lajmi.net ka thënë se vetëm gjatë ditës së djeshme janë rinumëruar 68 vendvotime.
“Procesi i rinumërimit sipas vendimit të PZAP-it po vazhdon dhe vetëm gjatë ditës së martë janë rinumëruar 68 vendvotimë. Në përgjithësi, deri më tani në ditën e 7 janë rinumëruar 840 vendvotime apo rreth 60%”, ka thënë Elezi.