Një person ka humbur jetën pasditen e sotme në Rugovë, pasi është rrokullisur me traktor.
Zëdhënësi i Policisë Driton Rugova ka thënë për Gazetën Online Reporteri.net se rasti ka ndodhur në fshatin Malaj.
“Sot rreth orës 16:20 Policia është informuar se në fshatin Malaj, Rugovë, një traktor është rrokullisur. Me të marrë informatën menjëherë Policia dhe autoambulanca kanë shkuar në vendin e ngjarjes dhe nga mjeku kujdestar është konstatuar vdekja e viktimës” ka thënë Rugova. /Reporteri.net/