Rruga ‘Agim Ramadani’ bllokohet për qytetarët

Mëngjesin e së martës, rruga ‘Agim Ramadani’ në kryeqytet është bllokuar  për qarkullim të veturave dhe të qytetarëve.


Kjo u bë për shkak se Vjosa Osmani sot merr edhe zyrtarisht detyrën e saj si presidente e Republikës së Kosovës, shkruan Reporteri.net.

Për shkak të pandemisë që shkakton infeksioni COVID-19, Osmani do ta pranojë detyrën si e para e vendit pa ceremoni shtetërore.

Megjithatë, sot do të organizohen një sërë aktivitetesh për ta shënuar pranimin e detyrës së presidentes së Kosovës dhe të cilat janë përshtatur me rrethanat.

Vjosa Osmani u zgjodh presidente e Kosovës më 4 prill 2021.

Ajo mori 71 vota nga deputetët e Kuvendit. /Reporteri.net