Një sondazh i fundit i realizuar nga “Riinvest” e nxjerr Lëvizjen Vetëvendosje fituese të zgjedhjeve me 54.1 për qind. Pas saj,  sipas sondazhit vije Partia Demokratike e Kosovës me 14.9 për qind.

E treta sipas këtij sondazhi është Lidhja Demokratike e Kosovës me 10.3 për qind dhe e katërta Aleanca për Ardhmërinë e Kosovës me 6.5 për qind.

Sondazhi është bërë publik në RTV Dukagjini dhe ekipin që e ka bërë sondazhin e ka udhëhequr Armend Muja, deri në ditën që ka aderuar në Lëvizjen Vetëvendosje.

Muja tash është futur në garë për deputet, në listën e LVV’së.

Armend Muja edhe në zgjedhjet e kaluara ka bërë sondazhe për RTV Dukagjinin.

Rezultatet e sondazheve të tij patë dal të përafërta me rezultatin e zgjedhjeve të 6 tetorit 2019. /Reporteri.net