×
  • Lajme
  • Lajme

    Sekretari i Liburn Aliut para një muaji nxorri vendimin që mundësoi tenderin për ‘tiketat ngjitëse’, kështu arsyetohet me letra ‘zhvatja 5 euroshe’

    Reporteri
    17 Korrik 2021 | 18:40

    Ministria e Mjedisit, Planifikimit Hapësinor dhe e Infrastrukturës e drejtuar nga Liburn Aliu para më shumë se një muaji e ka anuluar vendimit e marrë më 2019, që e ndalonte vendosjen e taksës prej 5 eurove për secilin automjet që regjistrohet në Kosovë.


    Gazeta Blic e ka siguruar vendimin e sekretarit të përgjithshëm të kësaj ministrie, Izedin Bytyqi, i cili mban datën 7 qershor 2021, e përmes të cilit anulohet vendimi i kësaj ministrie i marrë në tetor 2019, kohë kur kjo ministri drejtohej nga Pal Lekaj i AAK-së.

    Në vendimin e siguruar nga Gazeta Blic thuhet se “Anulohet vendimi nr. 1/11756, I datës 04.10.2019 për Anulimin e Raportit nr.07/10612 datë 12.11.2018 të komisionit për vlerësimin e ofertave për shërbimin me ‘Tiketë Ngjitëse”.

    Në arsyetimin e këtij vendimi, sekretari Bytyqi jep dy arsye kryesore.E para ka të bëjë me Ligjin për Procedurën e Përgjithshme Administrative dhe e dyta, ka të bëjë me Zyrën Ligjore të Kryeministrit të Kosovës.

    “Vendimi i datës 04.10.2019 (i cili mban edhe datën 04.11.2019) i marrë nga Sekretari i Përgjithshëm i Ministrisë së Infrastrukturës, i referohet anulimit të Raportit të komisionit të vlerësimit të ofertave për shërbimin me “Tiketë Ngjitëse”, që si akt real nuk mund të anulohet me një akt administrativ (vendim), dhe si i tillë ky vendim bie në kundërshtim me LPPA”, thuhet ndër të tjera në arsyetimin e vendimit të sekretarit Bytyqi.

    Vendimi i plotë i anulimit:

    Kujtojmë se në ditën që Izedin Bytyqi publikoi vendimin, atij iu vazhdua mandatin si ushtrues i detyrës së sekretarit të MMPHI-së

    Bytyqi ishte akuzuar publikisht nga ish-Ministrja e Fiannacave, Hykmete Bajrami, për implikim në rastin e vjedhjes së 2.1 milionë Eurove në Thesarin e shtetit.

    Ndryshe, vendosja e taksës prej 5 eurosh nga ana e Ministrisë që drejtohet nga ana e Liburn Aliut ka nxitur reagime të shumta.Opozita e ka akuzuar ministrin Liburn Aliu për vendosjen e kësaj takse, si zhvatje për qytetarët.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!