Presidenti i Serbisë, Aleksandar Vuçiq ka thënë se ai bashkë me anëtarët e Presidencës së Bosnjës dhe Hercegovinës, Milorad Dodik dhe Shefik Xhaferoviq janë marrë vesh që të flasin për taksën siç e ka quajtur ata “antiviclizuese” në samitin e Brdo-Brijunit që po i zhvillon punimet në Tiranë, njofton Klan Kosova.

Përpos kësaj, ai ka thënë se duhet të bisedohet dhe jo gjërat të mbesin në ajër.

Ndryshe,  kreu i shtetit serb në margjinat e samitit është përshëndetur me presidentin Hashim Thaçi kurse ky i fundit ka refuzuar të përshëndetet me Dodikin.

Samitin për së afërmi është duke e përcjellë ekipi i Klan Kosovës, me gazetarët Besnik Tahiri, Liridon Zeqiri dhe kameramanin Erand Hyseni – të cilët do të ju mbajnë të informuar për gjithçka që ndodh në takimin që ka bërë bashkë në kryeqendrën shqiptare liderët e Ballkanit.