×
  • Lajme
  • Lajme / Kritikat ndaj Kurtit

    Shala: Qeveria Kurti ka tradhtuar interesin kombëtar të Kosovës

    Reporteri
    21 Maj 2024 | 23:07

    Deputeti i Lidhjes Demokratike të Kosovës, Kujtim Shala ka deklaruar se kryeministri Albin Kurti duhet të argumentojë pse duhet të shkojmë në zgjedhje e jo të thotë nëse do opozita, shkojmë në zgjedhje.

    Sipas tij, Lidhja Demokratike e Kosovës nuk bën asnjë marrëveshje me Kurtin dhe nuk bisedon asgjë me të, përveç për çështjet e sigurisë nacionale.

    “Le të argumentojë Kurti pse duhet të shkojmë në zgjedhje, pra nuk mund të thuhet nëse do opozita, ky nuk është argument politik. Dhe nuk mund të kthehet në një akt kushtetues, sepse është i rrezikshëm. Ka një marrëveshje të vogël të kryetarit të PDK-së për aq sa dijmë, dhe të kryetarit të VV-së, por kjo shumicë nuk është vetëm VV, është krejt jashtë pjesa tjetër e opozitës. Partneri kryesor, lista “Guxo” nuk e ka dhënë qëndrimin. Kurti duhet të thotë pse duhet të shkojmë në zgjedhje, çfarë problem ka, a rrezikon shumicën”, tha Shala në RTV Dukagjini.

    Deputeti Shala kritikoi Kurtin duke thënë se ka qeverisur keq, ka rrënuar institucionet e pavarura dhe se ka tradhtuar interesin nacional të Kosovës.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!