Ambasada e Shteteve të Bashkuara të Amerikës në Kosovë dhe në Serbi, sot ka dorëzuar në Departamentin Amerikan të Energjisë në Laboratorin Kombëtar raportin për menaxhimin e ujit në Liqenin e Ujmanit, duke përmbushur kështu një nga pikat e Marrëveshjes së 4 shtatorit në Washington.
“Sot Ambasada e Shteteve të Bashkuara të Amerikës në Prishtinë dhe ajo në Beograd ua kanë dorëzuar Qeverive respektive planin e Departamentit Amerikan për Energji dhe Pacific Northwest National Laboratory për menagjimin e ujit në Liqenin e Ujmanit/Gazivodës, duke përmbushur një nga zotimet e Marrëveshjes së Washingtonin e nënshkruar më 4 shtator”, thuhet në njoftimin e Ambasadës, shkruan Reporteri.net.
Today @USEmbPristina & @USEmbassySerbia delivered the @ENERGY @PNNLab report on water management at Ujmani/Gazivode to the Kosovan and Serbian governments, fulfilling one of the September 4 Washington commitments. https://t.co/mLJs3olj0q
— U.S. Embassy Pristina (@USEmbPristina) June 23, 2021
Ky raport nxjerr katër rekomandime për të përmirësuar sigurinë e sistemit të furnizimit me ujë nga Ujmani:
Përditësimi i infrastrukturës së ujit. Implementimi i rekomandimeve të Bankës Botërore për riparimin, mirëmbajtjen dhe përditësimin e kanalit të Ibër-Lepencit përfshirë rezervuarin e Mihaliqit, për të përforcuar sigurinë e sistemit të furnizimit me ujë dhe sigurinë e ujit në rajon.
Në raport thuhet se pas kryerjes së një vizite studimore në Prishtinë, në Liqenin e Ujmanit dhe në Beograd në tetor të vitit 2020, stafi i Laboratorit Kombëtar Pacific Northwest, ka përpiluar të dhëna hidrometeorologjike, operacione të menaxhimit të ujit dhe rrjetit të energjisë.
Raportin e plotë mund ta gjeni KËTU. /Reporteri.net