Shefi i Delegacionit të Bashkimit Evropian në Serbi, Emanuele Giaufret tha që Kosova dhe Serbia duhet të përqendrohen urgjentisht në negociata për të arritur një marrëveshje përfundimtare për normalizimin e marrëdhënieve.
Giaufret tha se kreu i diplomacisë evropiane, Josep Borrell, së shpejti do t’i ftojë të dyja palët për negociata të mëtutjeshme
“Është e nevojshme që palët të investojnë energji maksimale për të arritur një marrëveshje ligjërisht të detyrueshme për normalizimin e marrëdhënieve. BE është e vendosur të punojë me Prishtinën dhe Beogradin për të arritur një marrëveshje,” tha Giaufret.
Ai tha se marrëveshja për targat e automjeteve, të cilën Prishtina dhe Beogradi e arritën të mërkurën në mbrëmje, “parandaloi tensionet e mëtejshme”, por tha se të gjitha marrëveshjet e arritura në Bruksel duhet të zbatohen.
“Por përfaqësuesi i lartë i BE-së ka ftuar kryeministrin Kurti dhe presidentin Vuçiç në ditët që vijnë. Shpresoj, që ata do të mund të vijnë, kështu që të mund të vazhdojmë në frymën pozitive që u arrit këtë javë dhe të shfrytëzojnë këtë momentum për të ecur përpara. Kjo nuk bëhet për Bashkimin Europian, por për interesat e qytetarëve të Kosovës dhe Serbisë, për fillimin e ndalimit të përshkallëzimit të situatës dhe përfitimin nga perspektiva evropiane”, ka deklaruar Stano. /Reporteri.net