Ndonëse të gjitha sondazhet e bëra kohët e fundit e lënë nën prag Nismën Socialdemokrate, sekretari i kësaj parti Bilall Sherifi ka thënë se do të arrijnë mbi 50 mijë vota, shkruan Reporteri.net.
“Besoj që nesër gjatë ditës do të përfundojmë edhe radhitjen dhe nesër në orarin e caktuar do ta dorëzojmë listën. Guximi është çështje edhe individuale, nuk është vetëm çështje kalkulimi. NISMA është sigurtë se do të bindim 50 mijë e më shumë dhe të shtojmë numrin e votuesve që të shpallemi për të katërtën herë si parti parlamentare”, tha Sherifi në Politiko të Kanal 10.
Ai nuk ka folur për emrat që do të jenë në listën e kësaj partie.
“Në listë do të kemi bashkëluftëtarin dhe vëllanë e kryetarit të Këshillit Kombëtar, z.Avdyl Krasniqi të cilin e falënderojmë që ka treguar vullnet dhe së bashku me që ta jetësojmë misionin e tij, por sot në mungesë të Jakup Krasniqit ka vendosur të na bashkohet dhe ta vazhdojmë luftën politike”, tha ai.
Zgjedhjet e parakohshme parlamentare në Kosovë do të mbahen më 14 shkurt.