Demografi, Rifat Blaku, këtë situatë e konsideron alarmante për shtetin. Largimin e të rinjve jashtë vendit dhe numrin e vogël të lindjeve në Kosovë ai e lidh me gjendjen e rëndë ekonomike.

Sipas tij, duhet një analizë profesionale e shkencore për të menaxhuar migrimin, në të kundërtën, thotë se Kosovën e pret një situatë e pakëndshme rreth numrit të popullsisë.

Bazuar në të dhënat e Ministrisë së Arsimit, këtë vit shkollor Kosova ka afro 29 mijë nxënës më pak sesa para 5 vjetëve. Këto statistika i konsideron shqetësuese edhe njohësi i çështjeve të arsimit, Dukagjin Pupovci, mirëpo sipas tij, situatë e njëjtë është në gjithë Evropën Juglindore.

Për këtë arsye vlerëson se duhet të bëhet një riorganizim i rrjetit të shkollave në përputhje me situatën e re.

Ndërkaq në zonat ku transporti është i pamundshëm Pupovci vlerëson se qoftë edhe për një nxënës të vetëm, shkollat duhet të mbesin të hapura.

Shqetësim për uljen e numrit të nxënësve në Kosovë ka shprehur ditë më parë edhe ministrja e Arsimit, Hykmete Bajrami.

Bajrami ka paralajmëruar se shumë shpejt do të kenë shifrat e sakta dhe më pas do të nisin me reforma për riorganizimin e rrjetit të shkollave në tërë territorin e Kosovës