Ish-kryeministri Sali Berisha i ka kthyer përgjigje deklaratës së Gabriel Escobar, zv.Ndihmës-Sekretari Amerikan i Shtetit. I pyetur nga Gazeta Online Reporteri.net Escobar ka sqaruar se di do të jetë marrëdhënia e SHBA-ve me PD nëse Berisha, i shpallur “non grata” nga SHBA-ja vjen në krye të partisë.

“Presidenti Biden e ka bërë të qartë. Sekretari Blinken e ka bërë të qartë. Shtetet e Bashkuara do t’ju kërkojnë llogari të gjithë atyre njerëzve për angazhim në vepra të mëdha të korrupsionit ose në përpjekje për minimin e demokracisë anembanë botës dhe në mënyrë specifike në Ballkanin Perëndimor. Nuk është normale dhe nuk është e pranueshme që një person, i sanksionuar për vepra të mëdha të korrupsionit të jetë fytyra e ndonjë partie. Dhe në këtë aspekt, e kemi bërë të qartë që nëse Partia Demokratike ose ndonjë parti tjetër udhëhiqet apo përfaqësohet nga ndonjë person, i sanksionuar nga Sekretari i Shtetit për vepra të mëdha të korrupsionit, atëherë nuk mund të pritni marrëdhënie normale”, tha Escobar në intervistën ekskluzive dhënë për Gazetën Online Reporteri.net.

Escobar për Reporteri: Nëse Sali Berisha e merr PD-në, SHBA s’do të ketë marrëdhënie normale me të

Lexo edhe:

E pazakontë në Pogradec – Përfitoi nga amnistia dje, sapo doli nga burgu bën vjedhjen e radhës

SPAK siguron dokumentet, pronarja e Top Channel dyshohet për pastrim parash te pagesat nga afera e inceneratorëve

DASH publikon raportin për Shqipërinë: Shqetësim problemet në pavarësinë e gjyqësorit dhe medias, korrupsioni, ndërhyrja e politikës

E kjo përgjigje e Escobar për Reporteri.net u bë temë diskutimi mbrëmë edhe në emisionin Opinion në TV Klan. I pyetur për këtë deklaratë, ish-kryeministri Sali Berisha tha se DASH nuk ka nxjerrë asnjë provë ndaj tij.

“Deklarimi non grata i Sali Berishës është ngritur mbi shpifje të Ramës dhe Sorosit. Për këtë kam hedhur në gjyq sekretarin amerikan të shtetit Blinken. E kam bërë këtë me shumë dhimbje. Kjo është një vepër e Sorosit që unë e kam shpallur non grata që në 2017. Po erdhi PD në pushtet Soros do të shpallet non grata”.

“Ata nuk bashkëpunojnë me mua? Unë jam i bindur se SHBA korrigjojnë gabimet. Yuri Kim tha se ka pasur “zero” heqje të non grata, por ka pasur me dhjetëra heqjesh të tyre. Unë kam shkuar në një vend ku kreu i parlamentit anëtar të NATO dhe BE ishte shpallur non grata nga SHBA”, tha Berisha.

“Këta me teorinë “fakte kemi, por nuk i themi” nuk mund të jenë të besueshëm. Në atë deklaratë të Escobar, asnjë rresht, asnjë deklaratë nuk ndryshon të vërtetën. Nëse një fakt i vetëm del për mua unë marr të gjitha vendimet që më takojnë” – tha ish-kryeministri shqiptar në “Opinion”.

Gabriel Escobar për Reporteri: ‘Status quo’ në Dialog po e boshatisë Kosovën, njerëzit po ikin – Asociacioni nuk e cenon sovranitetin