Gjykata e Fierit ka lënë në burg këtë të diel 64-vjeçarin nga Vlora, Vesaf Musa të akuzuar se ka ngacmuar seksualisht një vajzë të mitur vetëm 14 vjeç të komunitetit rom.

Arrestimi u bë të premten nga policia e Fierit, pasi ngjarja ka ndodhur në Levan. Ishte gjyqtarja Olkeda Liçe që vendosi ta lërë në qeli biznesmenin.

E mitura ka rrëfyer para policisë në prani të psikologes dhe familjarëve sesi ka ndodhur ngjarja.

Mësohet se teksa po udhëtonte me një mjet fuoristradë, biznesmeni Musa ka ndaluar dhe i ka thënë të miturës: “Eja, do bëjmë qejf?”, shkruan Lapsi.al.

Musa njihet si biznesmen, pasi merret me prodhimin e vajit të ullirit.

Pak kohë më parë biznesi i tij i vizitua edhe nga vetë ministrja e Bujqësisë, Frida Krifca që shoqërohej dhe nga ambasadorja amerikane, Yuri Kim.

Në profilin e tij në Facebook gjen foto me ministra dhe deputetë të shumtë dhe madje ai krenohej për këtë.