Qeveria shqiptare po rikthen mundësinë e basteve sportive në vend.
Në buxhetin e propozuar për vitin 2023, fillimi i këtij aktiviteti parashikohet nga 1 janari i vitit pasardhës.
Ky vendim vjen katër vjet pasi qeveria shpalli të jashtëligjshme lojërat e fatit.
Së fundmi, kryeministri Edi Rama tha në një takim me target grupet se “vazhduan aktivitetet e basteve në të zezë dhe se rikthimi i basteve sportive të ligjshme do të sjellë të ardhura në buxhet që do të ndihmojnë ekonominë në këtë kohë krize”.
Propozimi i buxhetit parashikon edhe efektin financiar në bazë të të cilit vlerësohet se do të mblidhen 2 miliardë lekë (mbi 17.2 milionë euro).