Një person me shtetësi të huaj ka tentuar ta grabisë një grua të moshës 35 vjeçare dje në Prishtinë.
Rastin e ka konfirmuar Policia e Kosovës përmes një komunikate për medie, shkruan Reporteri.net.
Në komunikatë bëhet e ditur se personi i dyshuar pasi ka ikur nga vendi i ngjarjes, është kapur nga Policia dhe është arrestuar.
I dyshuari i cili është mashkull 26 vjeçar me shtetësi të huaj, kishte tentuar që viktimës t’ia marrë telefonin dhe çantën e krahut, por që ajo kishte rezistuar dhe kishte thirrur për ndihmë.
Me vendim të prokurorit i dyshuari është dërguar në qendrën e mbajtjes për procedura të mëtejme ligjore. /Reporteri.net