Shtetet e Quint-it kanë dalë me një deklaratë para takimit që pritet ta kenë gjatë ditës së sotme me përfaqësuesit e Lëvizjes Vetëvendosje dhe LDK-së.

Burime të Reporteri.net brenda dy partive thonë se takimi pritet të zhvillohet sot në ambientet e Kuvendit të Kosovës duke filluar nga ora 17:00.

Deklarata e plotë:

Në prag të spekulimeve të fundit, ne do të donim të sqaronim qëndrimin tonë në lidhje me procesin e formimit të qeverisë në Kosovë. Siç është cekur në deklaratën tonë të 30 gushtit 2019, “Ne përfaqësojmë shtetet që janë thellësisht të përkushtuara ndaj Kosovës demokratike dhe të pavarur. Çdo sygjerim se qeveritë tona përkrahin ndonjë parti apo kandidat të veçantë në zgjedhje është i pasaktë… përgjegjësia për të ardhmen e Kosovës, për udhëheqësit e Kosovës, dhe për vetë Kosovën, është vetëm e juaja, e popullit të Kosovës”. Ne nuk do të ndërmjetësojmë. Ne i inkurajojmë të gjithë aktorët politikë në Kosovë që të përqëndrohen në aspiratat e popullit të Kosovës.