Lideri i AAK-së, Ramush Haradinaj ka njoftuar për aderimin e ri në partinë të cilën ai e udhëheqë. Bëhet fjalë për sipërmarrësin e suksesshëm shqiptar në Gjermani, Granit Shala, kompania e të cilit operon në tërë Gjermaninë.

Haradinaj ka njoftuar se Shala do të jetë kandidat për deputet nga radhët e AAK-së.

“Mirëpres kandidaturën me Aleancën për deputet në Kuvendin e Kosovës të Granit Shalës, sipërmarrësit të suksesshëm nga Mönchengladbach, kompania e të cilit operon në tërë Gjermaninë. Një shembull i mirë i një shqiptari në diasporë, i cili kam besim të plotë se do t’i japë krah të fortë konceptit 100% shtet”, ka shkruar Haradinaj.