Tre persona janë arrestuar të shtunën mbrëma në Prishtinë pasi të njëjtit nuk iu bindën sinjalizimit të policisë për t’u ndaluar në një pikë kontrolli.

Lajmin për Gazetën Online Reporteri.net e ka konfirmuar zëdhënësja e Policisë për rajonin e Prishtinës, Flora Ahmeti.

Pasi tentoi t’i shmanget policisë, vetura raportohet se është ndaluar nga një njësit tjetër patrollues, me ç’rast janë arrestuar tre persona.

“Sot rreth orës 19:45, një veturë është sinjalizuar nga ana e zyrtarëve policor që të ndalohet në një pikë kontrolli, në rrugën “Xheladin Hana” në Prishtinë porse e njëjta ka provuar t’i shmanget policisë, duke mos u ndalur.

Vetura e dyshuar është ndaluar shumë shpejt nga një njësit tjetër patrullues në rrugën “Gazmend Zajmi ” me ç’rast janë arrestuar tre persona të dyshuar.

Aktualisht ndaj personave të dyshuar në koordinim me Prokurorin e Shtetit, policia po kryen veprimet e mëtejme hetimore e procedurale” tha Ahmeti. /Reporteri.net/.