×
  • Lajme
  • Lajme / Reagimi

    S’ka ndëshkime gjatë fazës kalimtare të ndalimit të dinarit, Çitaku i reagon Kurtit: A po bëhet fjalë për zbrapsje tjetër?

    Reporteri
    12 Shkurt 2024 | 14:20

    Nënkryetarja e PDK-së, Vlora Çitaku ka reaguar pas deklaratës së Kryeministrit të Kosovës, Albin Kurti se nuk do të ketë masa ndëshkuese gjatë periudhës së tranzicionit për ndalimin e dinarit, shkruan Reporteri.net.

    Çitaku përmes një postimi në Facebook ka thënë se Kryeministri me një gjuhë të paqartë duket se është tërhequr nga zbatimi i masave.

    Ajo ka pyetur Kurtin se çfarë ka dashur të thotë me këtë deklaratë të tij, pasi siç thotë ajo nuk është kuptuar, derisa ka shtruar edhe dy pyetje tjera.

    “A e ke shtyrë zbatimin e rregullores për valutat e huaja? Apo bëhet fjalë për ndonjë zbrapsje tjetër?”, ka shkruar Çitaku.

    Postimi i plotë:

    Në twitter, me një gjuhë të paqartë, duket se Kryeministri qenka tërhequr nga zbatimi i disa masave, dhe kërkon edhe nga institucionet tjera që të veprojnë njejtë.

    Po flet për disa informata gjithëpërfshirëse që do të bëhen të ditura ditëve në vijim.

    Kryeministër, a po na tregon shkurt e shqip çka ke deshtë me thanë se nuk të kuptuam.

    A e ke shtyrë zbatimin e rregullores për valutat e huaja? Apo bëhet fjalë për ndonjë zbrapsje tjetër?

    Sinqerisht nuk të kuptova

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!