Skandali i Drenasit, ngritet aktakuzë ndaj avokatit Gazmend Halilaj

Prokuroria Themelore në Prishtinë, Departamenti për të Mitur, gjatë ditës së sotme ka bërë të ditur se  ka ngritur aktakuzë, ndaj gjashtë personave, të përfshirë në rastin e abuzimit seksual me të miturën nga Drenasi.


Në mesin e të pandehurve ndaj të cilëve është ngritur aktakuzë është edhe avokati Gazmend Halilaj,  i cili e kishte denoncuar rastin ndaj 16 vjeçares. Aktualisht ai po dyshohet si i përfshirë në këtë rast, shkruan Reporteri.net.

Sipas njoftimit të Prokurorisë i  pandehuri Gazmend Halilaj akuzohet për shkak të veprave penale “Keqpërdorimi seksual duke keqpërdorur pozitën, autoritetin apo profesionin”, nga neni 239 paragrafi 1 pika 1.3 të KPRK-së dhe “Frikësimi gjatë procedurës penale”, nga neni 395 të KPRK-së.

Kujtojmë se avokati Halilaj ishte ai i cili e kishte dërguar kallëzimin penal në Prokurori në lidhje me rastin ndaj 16 vjeçares ndërsa momentalisht edhe ai po hetohet si i dyshuar në këtë çështje./Reporteri.net