Disa të infektuar me Coronavirus, nuk kanë respektuar rregullat për vetizolim.
4 raste të ndryshme janë raportuar dje në Kosovë, kur të infektuarit kanë dalë dhe janë shëtitur nëpër qytet duke shkaktuar kështu rrezik të përgjithshëm, shkruan Reporteri.
Një rast i tillë, Policia e Kosovës njofton se ka ndodhur dje në kryeqytet. Një i infektuar me virusin COVID-19, ka dalë rrugëve të Prishtinës pasditen e së martës.
I dyshuari nuk iu është përmbajtur rregullave dhe vendimeve të Qeverisë për vetizolim, dhe ka dalë në rrugë.
Ai më pas është sulmuar fizikisht nga persona të panjohur.
“Raportohet se i dyshuari mashkull kosovar i cili ishte pozitiv me virusin Covid -19 nuk i është përmbajtur rregullave dhe vendimeve të Qeverisë për vetë izolim, është hasur në rrugë ku ishte sulmuar fizikisht nga persona të panjohur”, bëhet e ditur në raportin e policisë.
I dyshuari është dërguar në Qendrën Klinike Universitare, ndërkaq me urdhër të prokurorit, ndaj tij është iniciuar lënda.
Një rast i ngjashëm ka ndodhur edhe në Malishevë, ku po ashtu një i dyshuar i cili ka rezultuar pozitiv me virus, nuk i ka përmbajtur rregullave duke dalë jashtë shtëpisë.
Siç njofton policia ndaj të dyshuarit është iniciuar lënda.
“ Është raportuar se i dyshuari mashkull kosovar i cili ka rezultuar pozitiv me virusin Covid -19 nuk i është përmbajtur rregullave dhe vendimeve të Qeverisë për vetë izolim. Me urdhër të prokurorit ndaj të dyshuarit është iniciuar lënda”, thuhet në raportin 24 orësh të PK-së.
Po ashtu një rast i tillë ka ndodhur edhe në Shirokë të Prizrenit.
“Shirokë 14.07.2020 –11:00. Është raportuar se i dyshuari mashkull kosovar i cili ka rezultuar pozitiv me virusin Covid -19 nuk i është përmbajtur rregullave dhe vendimeve të Qeverisë për vetë izolim. Me urdhër të prokurorit ndaj të dyshuarit është iniciuar lënda”, njofton raporti.
Edhe në Gjakovë është regjistruar një rast i tillë.
“Gjakovë 13.07.2020 –21:00. Është raportuar se i dyshuari mashkull kosovar i cili ka rezultuar pozitiv me virusin Covid -19 nuk i është përmbajtur rregullave dhe vendimeve të Qeverisë. Me urdhër të prokurorit ndaj të dyshuarit është iniciuar lënda”, thuhet në raport. /Reporteri.net
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
