Procesi i vlerësimit të 4 mijë e 369 votave të cilat kishin ardhur nga diaspora pas datës 6 tetor, ka përfunduar.
KQZ ka njoftuar se numërimi i fletëvotimeve të aprovuara do të nisë sot, në orën 17:00, shkruan Reporteri.net.
“Është përmbyllur procesi i vlerësimit të pakove të supozuara me fletëvotime pas aktgjykimit të Gjykatës Supreme, ndërsa numërimi i fletëvotimeve të aprovuara do të bëhet sot (e premte, 1 nëntor) në Qendrën e Numërimit dhe Rezultateve duke filluar në orën 17:00” ka thënë zëdhënësi i KQZ-së, Valmir Elezi.
Kujtojmë se Gjykata Supreme ka vendosur për të dytën herë në favor të Lëvizjes Vetëvendosje, për numërimin e pakove me vota të ardhura nga diaspora./ Reporteri.net/