Derisa numri i të infektuarve po rritet në Kosovë, kryeqyteti mbetet vendi më i prekur.

Vetëm në 24 orët e fundit u konfirmuan 205 raste të reja me COVID-19, ndërsa në Prishtinë u konfirmua më shumë se gjysma e numrit të shënuar në gjithë Kosovën.

Sipas IKSHPK-së, në Prishtinë janë shënuar gjithsej 111 raste të reja me COVID-19.

Duke parë se rastet po rriten, veçanërisht në Prishtinë, i pari i kryeqytetit, Shpend Ahmeti, ka paralajmëruar se në bazë të rritjes së rasteve pozitive me COVID-19, pas shtatë apo dhjetë ditësh, në Kosovë do të ketë krizë.

Kurse, ministri i Shëndetësisë Armend Zemaj, ka thënë se mbyllja e kufijve dhe kufizimi i lëvizjes në zonat më të prekura me COVID-19 janë dy nga masat të cilat janë duke u shqyrtuar. /Reporteri.net/.