Gjykata Speciale po vazhdon me ftesat e shpeshta muajin e fundit. E radhës ka qenë për ish-luftëtarin nga Malisheva, Skender Hoti.

Lajmin për ftesën e fundit e ka bërë të ditur kryetari i OVL-UÇK-së, Hysni Gucati, i cili ka ritheksuar se UÇK-ja ka bërë luftë të pastër dhe të drejtë, shkruan Reporteri.net

“Tash sa mora lajmin se i ftuari i radhës nga Gjykata Speciale është bashkluftëtari i Ushtrisë Çlitimtare të Kosovës Skender Hoti nga Malisheva, si të gjithë ushtarët e UÇK-së edhe Skenderi dhe të gjithë ne jemi krenar me vepren dhe sakrificat e të gjithë luftëtarëve, që bëmë një luftë të pastër dhe të drejtë si ushtarë të Ushtrisë Çlirimtare të Kosovës!”, ka shkruar Gucati.

Sidoqoftë, Specialja dërgoi edhe dhjetëra ftesa gjatë këtij muaji, e të fundit ishin për një një analist politik dhe një anëtar të VV-së.

Ndërkohë, vlen të theksohet se të intervistuar së fundmi ishin edhe dy krerët e UÇK-së, Ramush Haradinaj dhe Kadri Veseli.

Ndryshe, në muajt e parë të 2020 ishin paralajmëruar disa aktakuza, mirëpo deri tash nuk është ngritur asnjë e tillë./Reporteri.net