Kosovës sot i kanë ardhur shumë urime për Ditën e Pavarësisë.
Por një urim i veçantë i ka ardhur nga Amerika e largët, konkretisht nga studentët e Harvardit.
Studentja nga Universiteti i Prishtinës, Rita Konjuhi, e cila së bashku me tetë kolegë të saj dhe një delegacion të UP-së të kryesuar nga Dekani i Fakulteti Juridik, Haxhi Gashi, janë duke marrë pjesë në konferencën e simulimit të punës së OKB-së, që organizohet nga studentët e Universitetit të Harvardit, për të 66-in vit me radhë, ka publikuar një video ku shihet se si studentët e Harvardit e urojnë Kosovën për Ditën e Pavarësisë.
Ndërsa zhvilloheshin punimet e konferencë, shihet se si studentët e Harvardit e urojnë Kosovën për 12 vjetorin e pavarësisë.
Kujtojmë se ky delegacion, përpos pjesëmarrjes në këtë konferencë do të vizitoj dhe zhvilloj takime edhe me drejtuesit e Universitetit Saint Jones, Cardozo University, James Medision University dhe University of Columbia.
Qëllimi i kësaj vizite, përpos pjesëmarrjes në konferencë është edhe rritja e bashkëpunimit të UP-së me universitetet amerikane, me fokus në krijimin e kushteve për dërgimin e studentëve kosovarë në programe të ndryshme të studimit në këto universitete. /Reporteri.net/.