Policia e Kosovës përdori gaz lotsjellës dhe shok-bomba për t’i shpërndarë qytetarët e tubuar para objektit komunal në Zveçan – komunë e banuar me shumicë serbe në pjesën veriore të vendit, raporton REL.
Paraprakisht, policia njoftoi se po asistonte kryetarët e rinj të komunave veriore: Zveçan, Leposaviq dhe Zubin Potok, për të hyrë në objektet zyrtare të komunave përkatëse.
Udhëheqësit e këtyre komunave me shumicë serbe – që të gjithë shqiptarë – u betuan një ditë më herët në ndërtesa publike, si shkollat, për shkaqe të sigurisë.
Ndonëse thanë se, së shpejti, do të nisin punën nga objektet komunale, nuk ishte e qartë se kur do të ndërmerrej një hap i tillë.
Në të katër komunat me shumicë serbe në veri u dëgjuan fillimisht sirena alarmi, ndërkohë që para objekteve komunale në Zubin Potok, Zveçan dhe Leposaviq u mblodhën edhe qytetarë.
Pamjet e hedhjes së gazit lotsjellës, në Twitter disa propagandues serbë i kanë përdorur për ta ekzagjeruar situatën dhe për ta paraqitur si gjendje “lufte” atje, duke i fajësuar institucionet e Kosovës “për dhunë”, shkruan gazeta online Reporteri.net.
Najteže je u Zvečanu gde su pre 10-tak minuta Kurtijevi specijalci napali goloruk narod šok bombama i suzavcem. #kosovo #BreakingNews , nezvanično zapaljeno jedno vozilo KP. pic.twitter.com/kgSQbGqTwH
— Dejan Nedeljković (@OkKaoOsoba) May 26, 2023
Nga ana tjetër, Radio Evropa e Lirë raporton se edhe disa kamionë janë të parkuar në mes të rrugëve në hyrje dhe dalje të Leposaviqit.
Nga ana tjetër, një veture të Policisë së Kosovës i është vënë flaka në veri, shkruan gazeta online Reporteri.net.
Për këtë ka reaguar edhe Presidenca e Kosovës.