Policia e Kosovës ka njoftuar se mbrëmë pas mesnate ka ndodhur një tentim-vrasje në Prishtinë, shkruan Reporteri.net.
Sipas policisë në rrugën “Shpëtim Robaj” në Prishtinë, mbrëmë pas mesnate persona të panjohur kanë shtënë me armë në drejtim të viktimës mashkull K/Shqiptar me ç’rast kanë qëlluar viktimën në kofshë, ndërsa predhat kanë goditur edhe lokalin, një furrë të bukës dhe një veturë të parkuar Mercedes me targa lokale.
Sipas raportit 24-orësh të Policisë së Kosovës, viktima është dërguar për tretman mjekësor. Në vendngjarje është gjetur dhe është konfiskuar një gëzhojë e cila dyshohet të jetë e revoles TT.
Lidhur me këtë rast është informuar edhe prokurori. /Reporteri.net