Tre persona janë arrestuar në fshatin Janjevë të komunës së Lipjanit, pasi që të njëjtit janë kapur duke tentuar të vjedhin dele në një stallë.

Rastin e ka konfirmuar Policia e Kosovës përmes raportit 24 orësh, ku bëhet e ditur se ngjarja ka ndodhur të martën rreth orës 22:00, shkruan Reporteri.net.

Lidhur me rastin është konsultuar prokurori i shteti, me vendimin e të cilit të dyshuarit janë dërguar në mbajtje.

“Janë arrestuar tre të dyshuar meshkuj kosovarë pasi që janë kapur duke tentuar të vjedhin dele në stallën e viktimës mashkull kosovar. Në lidhje me rastin është konsultuar prokurori i shtetit me vendim të së cilit të dyshuarit janë dërguar në mbajtje.”, thuhet në njoftimin e Policisë. /Reporteri.net