×
  • Lajme
  • Lajme

    Thaçi: Fjalët e kongresmenit Engel, shpresë për të kërkuar drejtësi për viktimat e luftës

    Reporteri
    05 Maj 2019 | 15:44

    Presidenti i Kosovës Hashim Thaçi, Kryeministri Ramush Haradinaj, shumë deputetë të Kuvendit të Kosovës dhe qytetarë, janë mbledhur në komunën e Pejës në një tubim përkujtimor për t’i nderuar 183 dëshmorët e kësaj zone, që humbën jetën gjatë luftës së fundit në Kosovë.


    Gjatë fjalimit të tij, Thaçi tha se është nder i madh për të gjithë që të respektojmë këtë ditë historike për kombin, Ditën e Dëshmorëve.

    “Sot nderojmë dëshmorët e Pejës me rrethinë dhe gjithë dëshmorët që dhanë jetën për lirinë e Kosovës. Jam i bindur se shteti ynë është në rrugë të drejtë. Askush nuk është i përkryer por jemi duke e bërë punën në mënyrën më të mirë të mundshme”, tha presidenti.

    Thaçi po ashtu ka thënë se fjalët e kongresmenit Eliot Engel, në kongresin amerikan ishte shpresë për Kosovën për të kërkuar më shumë drejtësi për gjithë këto viktima.

    “Kujtojmë sot edhe gjenocidin që shteti i Serbisë ka kryer në Kosovë duke vrarë rreth 13 mijë e 500 civilë, mbi 800 masakra e rreth 20 mijë dhunime. Fjalët e kongresmenit Eliot Engel, në Kongresin amerikan ishin shpresë për ne për të kërkuar më shumë drejtësi për gjithë këto viktima”, deklaroi Thaçi.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!