Presidenti i Kosovës, Hashim Thaçi, në një takim të ndërmjetësuar nga presidenti i Francës, Emmanuel Macron, ka takuar sot edhe presidentin e Serbisë, Aleksander Vuçiq.
Thaçi përmes një postimi në Facebook ka shkruar se në këtë takim ka konfirmuar se Kosova është e gatshme të vazhdojë dialogun me Serbinë, në kërkim të një marrëveshjeje për paqe, e cila do të sjellë njohje reciproke dhe anëtarësim në Kombet e Bashkuara, duke i hapur kështu rrugë zhvillimit në Kosovë, integrimit në NATO dhe Bashkim Evropian, shkruan Reporteri.net.