Ka disa ditë që po qarkullon lajmi se një çarje e re ka ndodhur brenda Lëvizjes Vetëvendosje.

Në media është raportuar për një përçarje ndërmjet kryetarit të LVV-së, Albin Kurtit dhe nënkryetarit Glauk Konjufca, gjë që është mohuar ende nga asnjëri.

Sot deputeti i VV-të, Liburn Aliu ka publikuar një fotografi ku shihen Kurti e Konjufca së bashku, shkruan Reporteri.

https://www.facebook.com/liburn.aliu/posts/10216854214568655

Ata shihen të ulur afër njëri-tjetrit por duke ruajtur distancën teksa bisedojnë me aktivistë të VV-së.

Kujtojmë se dyshimi për një përçarje ndërmjet Kurtit dhe Konjufcës ka nisur para rreth dy javësh, kur ky i fundit reagoi ashpër ndaj deklaratave të këshilltarit të Kurtit, Shkëlzen Gashit, duke thënë se “ai nuk do të kishte vend në kabinetin tim”. /Reporteri