Tre fëmijë me COVID-19 po trajtohen në Pediatri, një nga ta në gjendje të rëndë

Në Klinikën e Pediatrisë gjegjësisht në repartin  COVID  janë duke u trajtuar tre fëmijë, dy në gjendje stabile dhe një në gjendje të rëndë shëndetësore.


Kështu tha në një intervistë për Ekonomia Online, doktoresha Violeta Grajçevci

Reklamë

“Numri i rasteve që janë të hospitalizuar në Klinikën e Pediatrisë gjegjësisht në repartin COVID janë tre fëmijë. Gjendja e dy fëmijëve është stabile kurse fëmija i tretë është me frymëmarrje të asistuar dhe në gjendje të rëndë shëndetësore. Për momentin vetëm njëri prej tre fëmijëve është në oksigjeno-terapi në gjendje të rëndë”.

Doktoresha Grajçevci tha se nuk kanë pasur asnjë rast të vdekjeve me variantin e ri të COVID-19.

“Ne nuk kemi pasur numër të vdekjeve me variantin e ri të sëmundjes me COVID-19. Kështu që për momentin nuk mund të flasim për shkaqe të vdekjes sepse nuk kemi pasur ndonjë rast të tillë”.

Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës, informon në total numri i rasteve aktive është 25 mijë e  290.

MSH bën të ditur se numri i përgjithshëm i të shëruarve është 124 mijë e 711, ndërsa nga fillimi i pandemisë kanë vdekur 2 mijë e  657 persona.