×
  • Lajme
  • Lajme

    Vajza e Gani Gecit, gruaja e dytë më e votuar në LDK

    Reporteri
    03 Mars 2021 | 21:59

    Marigona Geci, vajza e ish-deputetit të LDK-së, Gani Geci, ka siguruar sërish ulëse në Kuvend të Kosovës, në zgjedhjet e 14 shkurtit.


    Madje, këtë herë, sipas rezultateve të kandidatëve të LDK-së për deputet, që i ka siguruar Gazeta Online ‘Reporteri.net’, Marigona Geci del të jetë gruaja e dytë më e votuar në partinë e Isa Mustafës, që pësoi humbje të thellë në zgjedhjet e 14 shkurtit.

    Geci ka arritur të sigurojë mandatin e dytë në Kuvend si deputetë duke marrë 6 mijë e 211 vota, pa u përfshirë këtu votat e diasporës të cilat ende nuk janë procesuar në listat për kandidatë për deputetë.

    Derisa, gruaja me e votuar në LDK, nga zgjedhjet e 14 shkurtit po del të jetë, ish-Ministra e Financave, Hykmete Bajrami.

    Bajramit të cilat deri më tani i janë proecesuar 11 mijë e 938 vota, pa u përshirë ato të diasporës, radhitet edhe në mesin e 10 më të votuarve në LDK, raporton Gazeta Online ‘Reporteri.net’.

    Para saj, më mbi 60 mijë vota është Kandidati i LDK-së për Kryeministër, njëherit bartësi i listës zgjedhore nga kjo parti, Avdullah Hoti. Pasuar nga Kujtim Shala me mbi 30 mijë vota, që ka lënë pas Lumir Abdixhikun që ka gjithsej 24 mijë e 241 vota të llogaritura, pa u përfshirë ato të diasporës, numërimi i të cilave ka përfunduar para pak orësh.

    Anton Quni është deputeti i 4 i LDK-së që ka fituar mandat tjetër në Kuvend, pasuar nga ministri në detyrë i Shëndetësisë Armend Zemaj, që e përmbyll 5-shen më të votuar në LDK. Të dyve këtyre deri më tani u janë procesuar mbi 13 mijë vota.

    Në mesin e më të votuarve në LDK, që kanë fituar mandat për deputet, siç ka raportuar Gazeta Online ‘Reporteri.net’ është edhe Driton Selmanaj. /Reporteri.net/.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!